Tít. orix.: Las dentaduras de Paco Palma

O carteiro Paco Palma tiña un problema: non podía comer e pensar ao mesmo tempo, por iso usaba dúas dentaduras; unha branca para pensar e outra laranxa para comer. Pero un día Paco Palma esqueceuse da merenda e, cos dentes laranxas na boca, botouse a durmir debaixo dunha árbore.

Aínda que dentro dun contexto realista, a fantasía e o surrealismo procedentes dos gorentosos soños de Paco Palma acaban por materializarse. Será entón, cando os personaxes fiquen asombrados ante tantas cousas incribles.
Na liña daquel mundo máxico, xa explotado por importantes autores do século XX, a autora arxentina Mercedes Pérez sorpréndenos cun argumento sinxelo e un final en que fantasía e realidade se mesturan.

As imaxes de Renata Gallio salientan o espírito humorístico do texto e, sen abandonaren un ton cordial e divertido, compleméntano con escenas cómicas moi eficaces.

1º-2º Primaria